İstanbulda Rusiya-Ukrayna danışıqlarının üçüncü raundu başa çatıb - FOTO - YENİLƏNİB-2

Rusiya və Ukrayna nümayəndə heyətləri arasında üçüncü raund danışıqlar İstanbulda yekunlaşıb.

Sizinxeber.az xəbər verir ki, bu barədə TASS agentliyi məlumat yayıb.

Məlumata görə, nümayəndə heyətlərinin tam tərkibdə görüşü yerli vaxtla saat 20:37-də başlayıb və təxminən 40 dəqiqə davam edib.

***
21:44

Rusiya və Ukrayna nümayəndə heyətlərinin rəhbərləri Vladimir Medinski və Rustem Umerov arasında İstanbulda təkbətək görüş baş tutub.

Sizinxeber.az xəbər verir ki, bu barədə "RT" məlumat yayıb.

***
21:04

İstanbulda Rusiya və Ukrayna nümayəndə heyətləri arasında ikitərəfli görüş başlayıb.

Sizinxeber.az-nın İstanbul müxbirinin verdiyi xəbərə görə, daha sonra hər iki tərəfin mətbuata açıqlama verməsi gözlənilir.

***
20:19

İstanbulda Türkiyə-Rusiya-Ukrayna üçtərəfli görüşü keçirilir.

Sizinxeber.az-nın İstanbul müxbirinin verdiyi xəbərə görə, görüş yerli vaxtla 19:00-da başlayıb.

Daha sonra, Rusiya və Ukrayna nümayəndə heyətlərinin ikitərəfli görüş keçirəcəyi gözlənilir.