Netanyahu İsrailin atəşkəs təklifi almadığını bildirib

İsrail dörd girovun azad edilməsi müqabilində Qəzza zolağında iki günlük atəşkəs təklifi almayıb.

APA xəbər verir ki, bunu ölkənin baş naziri Benyamin Netanyahu deyib.

Netanyahu bu barədə oktyabrın 28-də Likud partiyasının fraksiyasında danışıb.

Baş nazirin ofisindən verilən açıqlamada isə bildirilib ki, belə bir təklif olsaydı, baş nazir bunu dərhal qəbul edərdi.

Qeyd edək ki, oktyabrın 28-də Qətərin paytaxtı Dohada İsrail və “HƏMAS” arasında danışıqların yeni mərhələsi başlayıb. Bu, iki aydan çox fasilədən sonra ilk görüşdür. Burada ABŞ, İsrail və Qətərin yüksək səviyyəli nümayəndələri iştirak edib.