İsrail Beyrutun cənubunda yaşayan livanlıları evləri tərk etməyə çağırıb

İsrail ordusu Beyrutun cənubunda yerləşən Haret Horeik və El-Leylaki qəsəbələrinin sakinlərini yaxın saatlarda hava hücumlarına məruz qalacaq bir neçə binanı tərk etməyə çağırıb.

APA xəbər verir ki, “Al-Jadeed” telekanalının məlumatına görə, “Burj əl-Barajna” qaçqın düşərgəsinin sakinlərinə də xəbərdarlıq göndərilib.

Gözlənilən hücumla bağlı məlumatı “X”də İsrail ordusunun ərəb dilli nümayəndəsi Aviçai Edri yayıb.