İsrail Qəzzada HAMAS-ın təlim idarəsinin komandirini öldürüb

İsrail Müdafiə Qüvvələri (İMQ) HAMAS-ın təlim idarəsinin komandirini öldürmək üçün Qəzza zolağının şimalına hava hücumu təşkil edib.

APA xəbər verir ki, bu barədə İsrail Müdafiə Qüvvələrinin mətbuat xidməti məlumat verib.

"İMQ Qəzza zolağının şimalına hava hücumu təşkil edib və HAMAS-ın hərbi təlim idarəsinin komandiri Fadi Fələh Aşur Dağmaşı öldürüb. O, yaraqlıların təlim proqramlarına nəzarət edib və Qəzza zolağında İMQ qoşunlarına qarşı hərbi əməliyyatlara rəhbərlik edənlərdən biri olub”, - məlumatda deyilir.