Netanyahu: ABŞ ilə İran məsələsində fikir ayrılığı yoxdur

İsrailin Baş naziri Benyamin Netanyahu ABŞ və İsrail arasında, o cümlədən İran məsələsində fikir ayrılığının olmadığını bildirib.

Bu barədə o, "Fox News" telekanalına müsahibəsində deyib.

"Mən hesab etmirəm ki, aramızda fikir ayrılığı var. ABŞ bizi nümunəvi müttəfiq adlandırır, çünki bir çox digər müttəfiqlərdən fərqli olaraq biz sizinlə çiyin-çiyinə mübarizə aparırıq", – deyə Netanyahu bildirib.

Baş nazir qeyd edib ki, hər iki ölkənin əsas məqsədi İranın nüvə silahı proqramından imtina etməsi, zənginləşdirilmiş uranın ölkədən çıxarılması və uranın zənginləşdirilməsi obyektlərinin sökülməsidir.