Mask yeni Neuralink implantının anadangəlmə kor insanlara görmə imkanı verəcəyini bildirib

Tanınmış iş adamı İlon Mask yeni Neuralink vizual implantının anadangəlmə kor olan insanlara görmə imkanı verəcəyini bildirib.

APA xəbər verir ki, o, bu haqda öz “X” hesabında məlumat verib.

"Neuralinkin “Blindsight” cihazı hətta hər iki gözünü və görmə sinirini itirmiş insanlara da görmə imkanı verəcək. Görmə qabığının toxunulmaz olması şərti ilə, hətta anadangəlmə kor olanlara belə ilk dəfə görmə imkanı verəcək", deyə o bildirib.

Mask qeyd edib ki, əvvəlcə təsvir keyfiyyəti zəif olacaq, lakin zaman keçdikcə cihaz infraqırmızı və ultrabənövşəyi spektrdə görə biləcək və radar dalğa uzunluqlarını götürə biləcək.