Rusiya ilə Qərb arasında məhbusların mübadiləsi prosesi başa çatıb.

APA Türkiyə KİV-nə istinadən xəbər verir ki, Ankarada baş tutan proses zamanı ümumilikdə, 26 nəfərin adı hallanır.

Rusiya Qərb ölkələrinə 16 nəfəri təhvil verib, əvəzində 10 nəfər məhbusu geri alıb. Siyahıda adı hallanan 26 nəfərdən 2-si azyaşlı uşaqdır. Onların Qərbdə Rusiya xeyrinə casusluqda ittiham olunan Anna və Artyom Dultsevaların övladları olduğu qeyd olunub.

Mübadilə prosesində 7 ölkə - Rusiya, Belarusiya, ABŞ, Almaniya, Polşa, Sloveniya, Norveç iştirak edib. Prosesi Türkiyə kəşfiyyatı (MİT) koordinasiya edirdi.

Mübadilədə iştirak edən məhbusların dəqiq siyahısı hələ məlum deyil. Prsoeslə bağlı hələlik hər iki tərəfdən rəsmi şərh yoxdur.

***

17:27

Rusiya ilə Qərb arasında məhbusların mübadiləsi çərçivəsində azad edilən şəxslərin siyahısı açıqlanıb.

APA “The İnsider”ə istinadən xəbər verir ki, Rusiya Qərb ölkələrinə aşağıdakı şəxsləri təhvil verəcək:

- Evan Gerşkoviç,

- Vladimir Kara-Murza,

- Liliya Çanışeva,

- İlya Yaşin,

- Kseniya Fadeeva,

- Andrey Pivovarov,

- Pol Uilan

-Alsu Kurmaşeva,

- Oleq Orlov,

- Saşa Skoçilenko,

- Diter Voronin,

- Kevin Lik

- Riko Krieger

- Patrik Şobel

- Herman Moyjes,

- Vadim Ostanin.

Əvəzində Qərb ölkələri Rusiyaya təhvil verəcək:

- Vadim Krasikov (Almaniya)

- Artem Dultsev (Sloveniyadan),

- Anna Dultseva (Sloveniyadan),

- Mixail Mikuşin (Norveçdən),

- Pavel Rubtsov (Polşadan),

- Roman Seleznev (ABŞ-dan),

- Vladislav Klyuşin (ABŞ-dan),

- Vadim Konoşenko (ABŞ-dan).

***

17:12

Rusiya ilə Qərb arasında məhbusların mübadiləsi çərçivəsində azad edilən bəzi şəxslərin adları məlum olub.

APA “Bloomberg”ə istinadən xəbər verir ki, Rusiyanın azad edəcəyi şəxslər arasında jurnalist Vladimir Kara-Murza var. O, dövlətə xəyanət və Rusiya ordusu barədə saxta məlumatların yayılmasında təqsirli bilinərək, 2023-cü il aprelin 17-də 25 il müddətinə azadlıqdan məhrum olunmuşdu.

Qarşılıqlı razılaşma əsasında azad edilənlərin arasında “Azadlıq Radiosu”nun əməkdaşı Alsu Kurmaşeva, Almaniyada çeçen əsilli səhra komandirini qətlə yetirməkdə təqsirli bilinərək ömürlük həbs cəzası alan Rusiya Federal Təhülkəsizlik Xidmətinin keçmiş əməkdaşı Vadim Krasikov, eləcə də Rusiyanın xeyrinə casusluqda ittiahm edilən Artyom və Anna Dultseva da daxildir.

Nəşr qarşılıqlı mübadilə siyahısında ümumilikdə 24 nəfərin yer aldığını bildirib.

***

16:43

ABŞ, Almaniya, Rusiya və digər ölkələrin iştirakı ilə məhbus mübadiləsi aparılır.

APA xəbər verir ki, bu barədə CNN bildirib.

CBS telekanalı isə xəbər verir ki, Moskva ilə Qərb arasında əsir mübadiləsi sazişinin şərtlərinə əsasən səkkiz rusiyalı ölkələrinə qaytarılacaq.

Oxşar xəbərlər

Ankarada Rusiya ilə Qərb arasında məhbus mübadiləsi aparılır - SİYAHI - YENİLƏNİB-1

Rusiya ilə Qərb arasında məhbus mübadiləsi baş verir

KİV: ABŞ və Rusiya arasında məhbus mübadiləsi olub, "Wall Street Journal"ın müxbiri azad edilib

KİV: Ankarada Rusiya ilə ABŞ arasında genişmiqyaslı məhbus mübadiləsi aparılıb

Rusiyada 130 min nəfər hərbi xidmətə çağırılıb