Azərbaycan və İtaliya XTQ nümayəndələri arasında ekspert görüşü olub

Azərbaycan və İtaliya Xüsusi Təyinatlı Qüvvələrinin nümayəndələri arasında ekspert görüşü

Azərbaycan və İtaliya Xüsusi Təyinatlı Qüvvələrinin (XTQ) nümayəndələri arasında ekspert görüşü keçirilib.

APA xəbər verir ki, bu barədə Müdafiə Nazirliyindən bildirilib.

Birgə əməkdaşlıq

Səfər çərçivəsində qonaqlar XTQ-nin "N" hərbi hissəsini ziyarət ediblər. Əvvəlcə Ulu Öndər Heydər Əliyevin hərbi hissənin ərazisindəki büstü və şəhidlərimizin xatirəsinə ucaldılmış abidə kompleksi ziyarət olunub.

İtaliya nümayəndə heyətinə XTQ-nin yaranma tarixi və keçdiyi döyüş yolundan bəhs edən brifinq təqdim edilib. Qonaqları maraqlandıran suallar cavablandırılıb.
Ekspert görüşü zamanı birgə əməkdaşlıq və maraq doğuran bir sıra məsələlərə dair geniş fikir mübadiləsi aparılıb.

XTQ mənsublarının təchizatı və istifadəsində olan PUA, silah və digər vasitələrlə tanışlıq

Nümayəndələr XTQ mənsublarının təchizatı və istifadəsində olan PUA, silah və digər vasitələrlə tanış olublar.
İtaliya nümayəndə heyəti, həmçinin Azərbaycan XTQ mənsublarının döyüş hazırlığı üzrə nümunəvi çıxışlarını izləyib.