Ceyhun Bayramov: Azərbaycanla Somali arasında hərbi sahə üzrə əməkdaşlıq perspektivləri var

Təbii resursların işlənməsi sahəsi üzrə ölkələrimiz arasında böyük potensial var.

Sizinxeber.az xəbər verir ki, bunu Azərbaycan xarici işlər naziri Ceyhun Bayramov Somalinin xarici işlər və beynəlxalq əməkdaşlıq naziri Abdisalam Abdi Ali ilə birgə mətbuat konfransında deyib.

Nazir bildirib ki, Somalidən olan nümayəndə heyəti keçən il Azərbaycanda keçirilən ADEX müdafiə sərgisində iştirak edib: “Bu sahədə də əməkdaşlıq perspektivləri var. Bu il keçiriləcək sərgidə də Somali nümayəndə heyətinin iştirakı yaxşı olar”.