İtaliyalı ekspertlərdən ibarət nümayəndə heyəti Azərbaycanın İsmayıllı, Qəbələ, Ağsu və Şamaxı rayonlarında fəaliyyət göstərən şərab təsərrüfatlarını da ziyarət ediblər.

Bu barədə “Report”a Dövlət Turizm Agentliyindən məlumat verilib.

Bildirilib ki, onlar yerli şərab istehsalını dəstəkləyən təbii şərtlər, ənənəvi becərmə və istehsal metodları ilə tanış olublar.

Məlumata görə, Azərbaycanda “Slow Wine” hərəkatının aparıcı ekspertlərinin, yerli şərabçıların və şərab sənayesi nümayəndələrinin iştirakı ilə icma əsaslı şərabçılıq ənənələrinin və şərab turizmi (enoturizm) imkanlarının inkişaf etdirilməsi üzrə görüş keçirilib.

Görüşdə Azərbaycanın üzümçülük ənənələrinin beynəlxalq platformalarda tanıdılması üzrə əməkdaşlıq imkanları müzakirə olunub, həmçinin yerli istehsalçılarla icma əsaslı, şəffaf və dayanıqlı şərab istehsalına dair təcrübə və fikir mübadiləsi aparılıb.

Qeyd edək ki, “Slow Food” hərəkatının tərkib hissəsi kimi “Slow Wine” hər bir şərab bölgəsinin unikal üzüm sortlarının xüsusiyyətlərini əsas götürərək mədəni və bioloji müxtəlifliyi, ətraf mühitə təsirlərin azaldılmasına, dayanıqlı istehsala və aqroekoloji təcrübəyə əsaslanan ənənələrin qorunmasını təbliğ edir.

Dövlət Turizm Agentliyi tərəfindən Azərbaycanın beynəlxalq səviyyədə tanınan yerli üzüm sortlarının və şərab növlərinin mövcudluğu nəzərə alınaraq şərabçılıq turizminin beynəlxalq səviyyədə təbliğatı aparılır. Ölkəmizdə qərb, şimal və şimal-qərb turizm marşrutları üzrə mövcud qədim şərabçılıq ənənələrinin yaşadılması və turizm məqsədli istifadəsi əsas inkişaf istiqamətləri sırasındadır.

Oxşar xəbərlər

Şamaxıda III Üzüm və Şərab Festivalına start verilib

Şamaxıda III Üzüm və Şərab Festivalı keçiriləcək

Qlobal şərab istehsalı 1961-ci ildən bəri ən aşağı səviyyəyə düşüb

Azərbaycan təamları: “Slow Food” marşrutu Böyük Qafqazın kulinariya sirlərini açır

Şamaxıda növbəti Üzüm və Şərab Festivalı keçiriləcək