Özbəkistan türkdilli dövlətlərlə bütün sahələrdə, o cümlədən turizm sektorunda əməkdaşlığı genişləndirmək üçün aktiv fəaliyyətlər göstərir. Bu istiqamətdə xüsusilə Azərbaycanla işbirliyi üçün cəhdlər edilir.

Bunu “Report”un Türkiyə bürosuna açıqlamasında Özbəkistan Turizm Nazirliyinin marketoloqu Şerzod Sultanov bildirib.

O deyib ki, Azərbaycanla Özbəkistanın mətbəxi həm yaxındır, həm də hər iki ölkə dünyada öz ləziz yeməkləri ilə tanınır:

"Mətbəx turizmdə əsas rol oynayır. Bundan başqa, tarixinin qədimliyi, abidələri, çoxşaxəli mədəniyyəti baxımından Azərbaycanla Özbəkistan oxşardır. Keçən il turizm potensialımızın dünyada tanıdılması istiqamətində geniş tədbirlər keçirdik. Azərbaycan nümayəndələri, o cümlədən media da orada yaxından iştirak etdi”.

Nazirlik nümayəndəsi əlavə edib ki, 2027-ci ildə Özbəkistanın bir şəhəri Türk dünyasının turizm paytaxtı seçiləcək. Onun sözlərinə görə, təklif bu gün Ankarada Türk Dövlətləri Təşkilatına üzv və müşahidəçi ölkələrin mədəniyyət-turizm nazirlərinin, həmçinin müvafiq nümayəndə heyətləri rəhbərlərinin 10-cü toplantısında irəli sürülüb.

Oxşar xəbərlər

Azərbaycan Özbəkistanla turizm sahəsində əməkdaşlığı genişləndirmək istəyir

Azərbaycan Özbəkistanda turizm kompleksi yaradacaq

Özbəkistan Prezidentinin müşaviri: “Azərbaycanla əlaqələrimiz məhsuldar şəkildə inkişaf edir”

Nazir: “Şimali Kiprin Türk dövlətləri ilə enerji, turizm və aqrar sektorda əməkdaşlıq üçün imkanları var”

Azərbaycanla Türkiyə arasında turizm sahəsində əməkdaşlıq haqqında saziş təsdiqlənib