Aparıcı Turan İbrahimov “Space TV”dən gedib.
Axşam.az xəbər verir ki, bu haqda o, özü məlumat yayıb.
“İki həftə əvvəl verdiyimiz qərardı: “Space TV”dən gedirəm. Kanal yeni yayım formatına keçir, əsasən yumora üstünlük veriləcək və xəbər tərkibli verilişlərə ehtiyac qalmır. Mən isə tərkibi informasiya, xəbər olmayan verilişlə efirdə olmaq istəmirəm. Başda dostumuz Vado Korovin olmaqla yeni komandaya uğurlar arzulayıram” deyə, Turan bildirib.
Qeyd edək ki, fevralın 7-də Əməkdar incəsənət xadimi Müşfiq Hətəmov “Space TV”nin direktoru vəzifəsindən gedib. Onun vəzifəsini kanalda “Parni iz Baku” KVN komandasının keçmiş üzvü Vado Karovin əvəz edir.
Sizinxeber.Az
