"Azərreyl"in voleybolçusu Yüksək Liqanın qalibi olmalarını şərh edib

"Azərreyl"in qadınlardan ibarət voleybol komandasının oyuçusu Anastasiya Şupianiova Yüksək Liqanın qalibi olmalarını şərh edib.

"Report"un məlumatına görə, o mükafatlandırma mərasimindən sonra jurnalistlərə açıqlama verib.

Voleybolçu qələbəyə inanaraq meydana çıxdıqlarını bildirib: 

"Finalın ilk matçında 0:3 hesabı ilə məğlub olmağımıza baxmayaraq qalib gələcəyimizə inanırdıq. Biz bir komandayıq. Mübarizə apardıq və bir-birimizə güvəndik".

Qeyd edək ki, "Azərreyl" ikinci final matçında "Abşeron"u "qızıl set"də məğlub edərək Azərbaycan çempionu adını qazanıb.