Lamin Yamal "Barselona"da 100 oyun keçirən futbolçular arasında yeni rekorda imza atıb

İspaniya millisinin futbolçusu Lamin Yamal "Barselona" klubunda yeni rekorda imza atıb.

"Sizinxeber.az" xəbər verir ki, gənc vinger buna evdə İtaliyanin "İnter" komandası ilə heç-heçə etdikləri (3:3) Çempionlar Liqasının yarımfinal mərhələsinin ilk matçında meydana çıxmaqla nail olub.

Kataloniya təmsilçisində 100-cü qarşılaşmasına çıxan 17 yaşlı oyunçu bu rəqəmə ən tez çatan futbolçudur.

Əvvəlki rekord Qaviyə (19 yaş, 30 gün) məxsus olub.

Qeyd edək ki, Lamin Yamal 2023-cü ilin aprelində "Barselona"da debüt edib. O, cari mövsüm bütün turnirlərdə 49 matçda meydana çıxıb, 15 qol və 24 məhsuldar ötürmə ilə yadda qalıb.