“Arsenal” Çempionlar Liqasında son 20 ildə ən uzun məğlubiyyətsizlik seriyasına imza atıb

İngiltərənin “Arsenal” klubu UEFA Çempionlar Liqasında (ÇL) son 20 ildə ən uzun məğlubiyyətsizlik seriyasına imza atıb.

“Report” “Squawka”ya istinadən xəbər verir ki, London təmsilçisi bunu turnirin 1/4 finalının “Real”la (İspaniya) ilk matçında (3:0) həyata keçirib.

“Arsenal” sözügedən matçdan sonra 2004/2005 mövsümündən bəri ən uzun məğlubiyyətsizlik seriyasını reallaşdırıb. Komanda cari mövsüm keçirdiyi 7 qarşılaşmanın 6-da qələbə qazanıb, 1-də isə heç-heçə edib.

İngiltərə klubu hələ ÇL-in qalibi olmayıb. Komanda sonuncu dəfə 2006-cı ildə turnirin finalında çıxış edib.

Qeyd edək ki, tərəflər arasında cavab qarşılaşması aprelin 16-da Madriddə baş tutacaq.