"Real" klubu "Mançester Siti"nin yarımmüdafiəçisini transfer siyahısına salıb

İspaniyanın "Real" klubu "Mançester Siti"nin (İngiltərə) yarımmüdafiəçisi Bernardu Silvanı transfer siyahısına salıb.

"Sizinxeber.az"un “Defensa Central”a istinadən məlumatına görə, 30 yaşlı portuqaliyalı yarımmüdafiəçinin Mançester təmsilçisi ilə müqaviləsinin müddəti 2025/2026 mövsümünün sonunda bitəcək.

Bu səbəbdən Madrid klubu təcrübəli futbolçunu sərfəli qiymətə ala biləcəyini düşünür.

Qeyd edək ki, Bernardu Silva İngiltərə Premyer Liqasının cari mövsümündə bütün turnirlərdə 40 oyun keçirib, 3 qola və 4 məhsuldar ötürməyə imza atıb. "Transfermarkt" portalı onun dəyərini 45 milyon avro qiymətləndirir.