"Arsenal" Premyer Liqada yeni rekord müəyyənləşdirib

İngiltərənin "Arsenal" klubu Premyer Liqada yeni rekord müəyyənləşdirib.

"Sizinxeber.az"un xarici mətbuata istinadən məlumatına görə, "topçular" buna XVII turda "Kristal Pelas"ı 5:1 hesabı ilə məğlub etməklə nail olub.

2024-cü ildə Mikel Artetanın baş məşqçisi olduğu kollektiv bütün yarışlarda altı səfər matçında 5 və daha çox qol vurub.

Bu, bir təqvim ilində Premyer Liqa klubları üçün rekorddur.

Qeyd edək ki, London təmsilçisi hazırda 33 xalla üçüncü pillədə qərarlaşıb.