Premyer Liqa: XI turun daha bir oyunu keçirilib

Misli Premyer Liqasında XI turun daha bir oyunu keçirilib.

"Report"un məlumatına görə, "ASCO Arena"da "Səbail"in "Sumqayıt"ı qəbul etdiyi görüşdə qonaqlar minimal hesablı qələbəyə sevinib.

Yeganə qolu 51-ci dəqiqədə Silvanus Nimeli rəqib qapısından keçirib.

Bu qələbə sayəsində "Sumqayıt" xallarının sayını 10-a çatdırıb. "Səbail" isə 7 xala malikdir.

Qeyd edək ki, turun əvvəlki matçlarında "Turan Tovuz" "Kəpəz"i 2:1 hesabı ilə məğlub edib. "Araz-Naxçıvan" "Zirə" görüşü isə heç-heçə başa çatıb - 1:1.