"Qalatasaray"ın futbolçusu Rusiya klubuna keçməkdən imtina edib, Braziliyaya yollanır

Türkiyənin "Qalatasaray" klubunun futbolçusu Karlos Kuesta Rusiya təmsilçisi "Spartak"a keçməkdən imtina edib.

"Report" xarici mətbuata istinadən xəbər verir ki, 26 yaşlı müdafiəçi Braziliyanın "Vasko da Qama" komandasına keçməyə çox yaxındır.

A Seriyası təmsilçisi oyunçu ilə anlaşıb. Klub transferi başa çatdırmaq üçün "sarı-qırmızılar"la danışıqlar aparır.

Qeyd edək ki, Karlos Kuesta cari ilin fevralında "Qalatasaray"a keçib. O, bu müddətdə bütün turnirlərdə cəmi 9 qarşılaşmaya çıxıb.