Naxçıvanda UEFA-nın C kateqoriyası üzrə kurs keçirilir

AFFA və Naxçıvan Futbol Federasiyasının (NFF) birgə təşkilatçılığı ilə Naxçıvanda UEFA-nın C kateqoriyası üzrə kursun birinci mərhələsi keçirilir.

"Sizinxeber.az" qurumun mətbuat xidmətinə istinadən xəbər verir ki, kursun açılışında AFFA-nın Texniki direktoru Cahangir Həsənzadə və NFF-nin baş katibi Raqif Abbasov iştirak ediblər.

AFFA-nın təhsil şöbəsinin rəhbəri Aslan Kərimov tərəfindən keçirilən birinci modula iyulun 24-də yekun vurulacaq.

Qeyd edək ki, UEFA C kursunun növbəti mərhələləri avqust və sentyabr aylarında təşkil olunacaq.