Florian Virtsin "Liverpul"la müqavilə bağlayacağı təqdirdə qazanacağı məbləğ açıqlanıb

Almaniyanın "Bayer 04" klubunun futbolçusu Florian Virtsin "Liverpul"la (İngiltərə) müqavilə bağlayacağı təqdirdə qazanacağı məbləğ açıqlanıb.

"Sizinxeber.az" "Bild" nəşrinə istinadən xəbər verir ki, futbolçu Premyer Liqa təmsilçisində il ərzində 22 milyon avroya yaxın qazanc əldə edəcək.

Bu da yarımmüdafiəçinin həftədə təxminən 400 min avro gəlir əldə edəcəyi anlamındadır.

Daha əvvəl 22 yaşlı futbolçunun “Liverpul”la razılığa gəldiyi və müqavilə imzalayacağı bildirilirdi.

Qeyd edək ki, F.Virtz 2024/2025 mövsümündə Bundesliqa klubunun heyətində bütün turnirlərdə meydana çıxdığı 45 oyunda, 16 qola və 15 məhsuldar ötürməyə imza atıb. “Transfermarkt” portalı futbolçunu 140 milyon avro dəyərində qiymətləndirir.