İndiyədək 8 dəfə Azərbaycan Kubokunun qalibi olan “Qarabağ” turnirin mütləq rekordunun sahibidir.

"Report" xəbər verir ki, bu barədə Peşəkar Futbol Liqasının mətbuat xidməti statistika açıqlayıb.

Azərbaycan Kubokunun 2024/2025 mövsümünün finalında meydana çıxacaq iki komandadan yalnız biri əvvəllər mükafata sahib olub.

Qurban Qurbanovun yetirmələri həm də kubokun son qalibidir. “Qarabağ” ardıcıl 2-ci, ümumilikdə 9-cu dəfə mükafata sahib olmaq, özünün sahib olduğu rekordu yeniləmək əzmindədir.

Tarixində ilk dəfə final həyəcanı yaşayacaq “Sabah” isə birinci titulunu əldə etməyə köklənib. Bakı klubu qalib gəlsə, kubokun sahibi olacaq 10-cu komanda kimi tarixə düşəcək.

Qeyd edək ki, 1992-ci ildən keçirilən yarışda 9 klub qalib adına sahib çıxıb: “Qarabağ” – 8, “Neftçi” – 6, “Kəpəz” – 4, “Xəzər Lənkəran”, “Bakı” – 3, “Keşlə” (indiki “Şamaxı”), “Qəbələ” – 2, “İnşaatçı” B, “Şəfa” – 1.

Oxşar xəbərlər

 “Qarabağ” tarixinin rekordunu təkrarlayıb

“Zirə” tarixində ilk dəfə ardıcıl iki medala sahib olub

"Qarabağ" yeni rekorda imza atıb

"Qarabağ"ın futbolçusu Mahmud Qurbanovun rekordunu təkrarlayıb

Qurban Qurbanov "Qarabağ"da baş məşqçi kimi 400-cü qələbəsini qazanıb