Qana minifutbol millisinin üzvü Sovah Stepan Milli Gimnastika Arenasında keçirilən dünya çempionatının təşkilatçılığından və Bakıda gördüklərindən məmnun qalıb.

O, "Sizinxeber.az"a açıqlamasında hər şeyi bəyəndiklərini vurğulayıb.

"Şəhəri gəzə bildik. Fürsət olsaydı, bir daha gəlmək istəyərdik. İnanın, Bakı bizdə çox dərin izlər buraxdı. Şəhər maraqlı, insanları qonaqpərvərdir. Bu, tək mənim yox, bütün komanda yoldaşlarımın fikridir. Milli Gimnastika Arenasında futbol oynamaq da çox gözəldir. Mundialın Bakıda keçirilməsində əməyi olan hər kəsə təşəkkürümü bildirirəm", - deyə o söyləyib.

S.Stepan H qrupunda keçirdikləri görüşlər barədə danışıb:

"Təəssüf hissi keçirirəm. Bütün matçları məğlub başa vurduq. Çətin qrupa düşdüyümüzü deyə bilərəm".

Qeyd edək ki, Qana millisi yer aldığı H qrupunu Serbiya (9), İsrail (6) və İspaniyanın (3) ardından 0 xalla sonuncu pillədə başa vurub.

Oxşar xəbərlər

Serbiya minifutbol millisinin üzvü: "Milli Gimnastika Arenasında oynamaq bizim üçün çox əlverişlidir"

Milli Gimnastika Arenasında minifutbol üzrə dünya çempionatının daha bir oyunu keçirilib

Minifutbol üzrə dünya çempionatı: Bu gün daha 8 qarşılaşma baş tutacaq

Argentina millisinin üzvü Bakıda keçirilən dünya çempionatının təşkilatçılığından razıdır

Minifutbol üzrə dünya çempionatı: Qrup mərhələsində növbəti oyunlar keçiriləcək