Kosta Rika millisinin üzvləri Bakıda keçirilən minifutbol üzrə dünya çempionatı ilə erkən vidalaşdıqları üçün məyus olublar.

Bunu "Sizinxeber.az"a açıqlamasında komandanın kapitanı Joze Morales deyib.

O, buraxdıqları səhvlərin üzərində çalışacaqlarını bildirib:

"Məyusuq. Amma öz üzərimizdə işləməyə davam edəcəyik. Rəqiblərimiz də zəif deyildi. Turnirdə mübarizəni davam etdirən digər yığmalara uğurlar arzulayıram".

O, Bakıdakı mundialın təşkilatçılarına təşəkkür edib:

"Belə yarış üçün ölkənizə minnətdaram. Hər şey mükəmməldir. Az da olsa, Bakını gəzmək şansımız oldu, şəhəriniz də çox gözəldir".

Qeyd edək ki, Kosta Rika millisi bu gün E qrupunun matçında Tailanda 1:4 hesabı ilə uduzub. Əvvəlki iki oyunda da məğlub olan Mərkəzi Amerika təmsilçisi mübarizəni dayandırıb.

Oxşar xəbərlər

Kosta-Rika sahillərində 6,2 maqnitudada zəlzələ olub

Kosta-Rika klubu dünya çempionatında iştirakla bağlı FIFA-ya müraciət edib

Tailand millisinin futbolçusu: "Bakıdakı dünya çempionatının təşkilatçılığı hamıya bir nümunə oldu"

Azərbaycan səfiri Kosta-Rika Prezidenti ilə görüşüb

Monteneqro Bakıda keçirilən minifutbol üzrə dünya çempionatında Kosta Rikanı darmadağın edib