"Arsenal" Kənan Yıldızı transfer etmək fikrindən daşınıb

İngiltərənin "Arsenal" klubu "Yuventus"un (İtaliya) vingeri Kənan Yıldızı heyətinə qatmaqdan imtina edib.

"Report", "The Athletic"ə istinadən xəbər verir ki, Turin klubu 21 yaşlı futbolçu ilə yollarını ayırmaq fikrində olmadığını bildirib.

Türkiyəli oyunçunun İtaliya klubu ilə müqaviləsinin müddəti 2030-cu ilin yayına qədərdir, onun dəyəri isə 75 milyon avro olaraq qiymətləndirilir.

Qeyd edək ki, K.Yıldız A Seriyasında meydana çıxdığı 36 matçda 10 qol vurub və 7 məhsuldar ötürmə müəllifi olub.