Azərbaycanın U-21 millisi Türkiyədəki toplanışda ikinci oyununu keçirəcək

Türkiyənin İsparta şəhərində təlim-məşq toplanışında olan 21 yaşadək futbolçulardan ibarət Azərbaycan millisi bu gün ikinci yoxlama oyununa çıxacaq.

"Sizinxeber.az"un məlumatına görə, Rəşad Eyubovun baş məşqçisi olduğu kollektiv Qırğızıstanın müvafiq yaş qrupundan ibarət komandası ilə qarşılaşacaq.

Görüş "Sav" stadionunda, Bakı vaxtı ilə saat 18:00-da başlayacaq.

Qeyd edək ki, Azərbaycanın U-21 millisi iyunun 6-da keçirilən ilk yoxlama oyununda Bəhreyn yığmasını 3:0 hesabı ilə məğlub edib.