Federasiya Bakıda keçiriləcək Böyük Dəbilqənin posterini təqdim edib

Azərbaycan Cüdo Federasiyası (ACF) bu il Bakıda keçiriləcək Böyük Dəbilqə turnirinin rəsmi posterini təqdim edib.

Bu barədə "Sizinxeber.az"a ACF-nin mətbuat xidmətindən məlumat verilib.

Bildirilib ki, yarışda 60-dan çox ölkədən 400-dən artıq idmançının iştirakı gözlənilir.

Qeyd edək ki, Böyük Dəbilqə 16-18 fevralda Milli Gimnastika Arenasında gerçəkləşəcək.