Azərbaycan cüdoçusu Rza Xəlilli üçün XVIII Avropa Gənclər Yay Olimpiya Festivalında (EYOF) qazandığı medal çox dəyərlidir.

"Report" Milli Olimpiya Komitəsinin mətbuat xidmətinə istinadən xəbər verir ki, bunu EYOF-da qızıl medal qazanan Rza Xəlilli deyib.

50 kq çəki dərəcəsində fəxri kürsünün ən yüksək pilləsində yer alan idmançı bu medalın onun üçün çox dəyərli olduğunu deyib:

"Finala qədər böyük qüvvə sərf etdim. Lakin beynəlxalq yarışlarda qazandığım təcrübə öz sözünü dedi. Festivalda qızıl medal qazanmaq heç də asan deyil. Burada qitənin ən yaxşı cüdoçuları iştirak edirlər. Çox xoşbəxtəm ki, finala qədər irəliləyib, qızıl medal qazandım. Bu mükafat qazandığım medallar arasında ən dəyərlisidir. Fürsətdən istifadə edib, əldə etdiyim nailiyyətlərdə əməyi olan hər kəsə minnətdarlığımı bildirirəm",

Qeyd edək ki, Rza Xəlilli finalda ispaniyalı Alexandra Çiarroniyə qalib gəlib.

Oxşar xəbərlər

Azərbaycan cüdoçuları XVIII Avropa Gənclər Yay Olimpiya Festivalında iki qızıl medal qazanıblar

Xorvatiyada çempion olan Azərbaycan cüdoçusu: "Ən böyük hədəfim Yay Olimpiya Oyunlarında qızıl medal qazanmaqdır"

Belçikada qızıl medal qazanan Azərbaycan cüdoçusu: "Olimpiya və dünya çempionu olmağı arzulayıram"

Azərbaycanın daha bir cüdoçusu Avropa çempionatında qızıl medal qazanıb

Azərbaycan cüdoçusu: Çalışacağam ki, dünya çempionatında qızıl medal qazanım