Dördqat dünya çempionu it dişləməsi nəticəsində xəsarət alıb

Norveçli xizəçki, dördqat dünya çempionu Emil İversen it dişləməsi nəticəsində xəsarət alıb.

"Report" “Adresseavisen” nəşrinə istinadən xəbər verir ki, 33 yaşlı idmançı qaçış zamanı itin hücumuna məruz qalıb.

Hadisədən dərhal sonra o, təcili yardım otağına aparılıb. Xəsarət ağır olmadığı üçün İversenin yarasına dikiş atmağa ehtiyaca qalmayıb.

Qeyd edək ki, Emil İversen həm də 2022-ci il Olimpiya estafetinin gümüş mükafatçısıdır.