Sizinxeber.az – Azərbaycan Xəbərləri

“Qarabağ” ardıcıl 6-cı dəfə qrup mərhələsinə vəsiqə qazanıb

“Qarabağ” ardıcıl 6-cı dəfə qrup mərhələsinə vəsiqə qazanıb
5 dəfə Baxılıb
30 Avqust 2019 - 15:05

“Qarabağ” komandası 5-ci dəfə UEFA Avropa Liqasının qrup mərhələsinə vəsiqə qazanıb.
“Report”un məlumatına görə, Azərbaycan təmsilçisi buna pley-off mərhələsində Şimali İrlandiya “Linfild”ini iki oyunun yekununda üstələyərək nail olub. Belfastdakı ilk matçda 2:3 hesabı ilə uduzan Ağdam klubu Bakıdakı cavab görüşündə qələbəyə nail olub – 2:1. Hesabı 6-cı dəqiqədə Xayme Romero açıb. 88-ci dəqiqədə Abdullah Zubir “Qarabağ”ın ikinci qolunu vurub.
“Linfild” uzatma dəqiqələrində təsəlli qolunu vurub. İki oyunun yekununda topların fərqi bərabər olsa da, “Qarabağ” səfərdə daha çox qol vurduğu üçün mərhələ adlayıb.
Qeyd edək ki, “Qarabağ” 6-cı dəfə avrokuboklarda qrupa yüksəlib. Bunların birində Azərbaycan klubu Çempionlar Liqasında çıxış edib.

© Sizinxeber.az, 2016—2019Məlumatdan istifadə etdikdə istinad mütləqdir. (055) 501-17-11, [email protected]