Sizin Reklamınız Burada ola bilər!
Şotlandiya Milli Partiyasının lideri azərbaycanlı diaspor təşkilatı rəhbərinin müraciətinə cavab verib
Şotlandiya Milli Partiyasının lideri azərbaycanlı diaspor təşkilatı rəhbərinin müraciətinə cavab verib

Şotlandiya Milli Partiyasının lideri azərbaycanlı diaspor təşkilatı rəhbərinin müraciətinə cavab verib

Şotlandiya Milli Partiyasının lideri azərbaycanlı diaspor təşkilatı rəhbərinin müraciətinə cavab verib
Böyük Britaniya İcmalar Palatasının deputatı, Şotlandiya Milli Partiyasının (ŞMP) lideri Yan Bləkford (İan Blackford) “Buta” Azərbaycan-Şotlandiya Assosiasiyasının sədri Nərgiz Morrisonun müraciətinə cavab verib.
ŞMP liderinin cavab məktubunda bildirilib ki, Şotlandiyanı öz evi seçən Azərbaycan vətəndaşları və onların nəsilləri ölkə həyatının mühüm hissəsini təşkil edirlər:
“Biz icmanın Şotlandiya cəmiyyətinə töhfəsini qiymətləndiririk”. 
Yan Bləkford qeyd edib ki, beynəlxalq ictimaiyyət bu yaxınlarda baş vermiş gərginliyə və 2020-ci ildə baş vermiş müharibəyə görə ciddi narahatlığını bəyan edib, çünki bu hadisələr 1994-cü il atəşkəs rejimindən sonra ən ciddi zorakılıq hesab olunur. 
Y.Bləkford bu mövqeyini 26 sentyabr 2022-ci il tarixində açıqlanan rəqəmlərlə əsaslandırmağa çalışıb:
“Ermənistan bildirib ki, ən azı 202 əsgəri öldürülüb, Azərbaycan isə bildirib ki, bu gərginlik nəticəsində 80 əsgərini itirib”.  
ŞMP lideri nəzərə çatdırıb ki, partiyası Avropa İttifaqının (Aİ) xarici siyasət üzrə ali komissarı Jozep Borrellin Ermənistan və Azərbaycan arasında hərbi əməliyyatların dərhal dayandırılması ilə bağlı çağırışlarını təkrarlayıb. J.Borrelin “Döyüşləri dayandırmaq və danışıqlar masasına qayıtmaq vacibdir. Bütün qüvvələr eskalasiyadan əvvəlki mövqelərinə qayıtmalı və atəşkəs rejiminə tam riayət edilməlidir” açıqlamasını xatırladan şotlandiyalı deputat deyib:
“Biz lazımi deeskalasiyanı dəstəkləmək, Ermənistan və Azərbaycan liderləri arasında Brüsseldə dialoq prosesində növbəti addımları müzakirə etmək üçün Aİ-nin xüsusi nümayəndəsinin regiona göndərilməsini dəstəklədik”.
Britaniyalı deputat vurğulayıb ki, partiyası davamlı sülhü təmin edəcək bir həll istəyir və bu istiqamətdə Böyük Britaniya mühüm rol oynaya bilər:
“Bu həllin əsasında birgə mövcud olan cəmiyyətlərin qurulması mümkün ola bilər.  Biz inanırıq ki, işi bütün iştirakçı tərəflər üçün sülhə yönəltməklə, Böyük Britaniya hər iki tərəfin son atəşkəs pozuntularına kömək edə biləcək davamlı və təcili dialoqun təmin edilməsində öz rolunu oynaya bilər və oynamalıdır. Böyük Britaniya həqiqətən də zorakılığın dərhal deeskalasiyası naminə vasitəçi kimi çıxış etmək üçün NATO müttəfiqləri ilə açıq diplomatik dialoq kanalları vasitəsilə təsiretmə mövqeyinə malikdir”.

Sizinxeber.Az

0
_la_x_b_r
Əla Xəbər
0
k_d_rli
Kədərli
0
_s_bil_di
Əsəbiləşdi
0
t_cc_bl_ndim
Təəccübləndim
Şotlandiya Milli Partiyasının lideri azərbaycanlı diaspor təşkilatı rəhbərinin müraciətinə cavab verib

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Giriş Yap

Yandex.Metrica