Bakıda burun əməliyyatından sonra komaya düşən Nəzrin Mansurlunun ölümü faktı üzrə başlanmış cinayət işi məhkəməyə göndərilib.

Sizinxeber.az xəbər verir ki, bu barədə Nəsimi rayon prokurorluğunun məlumatında deyilir.

Qeyd olunub ki, cari il yanvarın 12-də 1995-ci il təvəllüdlü Nəzrin Mansurlunun rinoplastika əməliyyatından sonra vəziyyətinin kəskin ağırlaşması səbəbindən yerləşdirildiyi xəstəxanada ölməsi faktı üzrə Nəsimi rayon prokurorluğunda başlanmış cinayət işinin istintaqı tamamlanıb. (https://genprosecutor.gov.az/az/post/8322)

İstintaqla həkim-otorinolarinqoloq Sənan Mehdiyevin yanvarın 3-də Nəzrin Mansurlunun üzərində rinoseptoplastika cərrahi-əməliyyatını qüsurlu icra etməsi səbəbindən sonuncunun ölümünə səbəb olmasına əsaslı şübhələr müəyyən edilib.

Toplanmış sübutlar əsasında Sənan Mehdiyevə Cinayət Məcəlləsinin 314.2-ci (ehtiyatsızlıqdan zərərçəkmiş şəxsin ölümünə səbəb olan səhlənkarlıq) maddəsilə ittiham elan edilməklə cinayət işi baxılması üçün aidiyyəti üzrə rayon məhkəməsinə göndərilib.

Oxşar xəbərlər

Burun əməliyyatından sonra komaya düşən Nəzrin Mansurlunun ölümü ilə bağlı həkim saxlanılıb

Nəzrin Mansurlunun burun əməliyyatından sonra ölməsinə görə saxlanılan cərraha ittiham irəli sürülüb

Baş Prokurorluq Nəzrin Mansurlunun ölməsinə görə cərrahın həbsi barədə məlumat yayıb

Nəzrin Mansurlunun burun əməliyyatından sonra ölməsinə görə saxlanılan cərrah həbs olunub - YENİLƏNİB

Nəzrin Mansurlunun ölməsi faktı üzrə cinayət işi başlanıb