Moskvada mikroavtobus qəzaya uğrayıb, 2 nəfər ölüb, azı 7 nəfər xəsarət alıb

Rusiyanın Moskva vilayətində uşaqları daşıyan mikroavtobusun iştirakı ilə ağır yol-nəqliyyat hadisəsi baş verib.

Sizinxeber.az Rusiya mediasına istinadən xəbər verir ki, mikroavtobus iki minik avtomobili ilə toqquşduqdan sonra aşıb.

Hadisə şahidlərinin sözlərinə əsasən, xəsarət alanlar arasında uşaqlar da var. Qəza nəticəsində bir qadın və bir uşaq ölüb, azı 7 nəfər xəsarət alıb.

Əraziyə çoxlu sayda təcili yardım briqadaları cəlb edilib və helikopter göndərilib.