Mingəçevirdə fərdi yaşayış evində partlayış

Fövqəladə Hallar Nazirliyinin “112” qaynar telefon xəttinə Mingəçevir şəhəri, 2-ci Günəşli döngəsi adlanan ərazidə fərdi yaşayış evində partlayış baş verməsi barədə məlumat daxil olub.
APA xəbər verir ki, bu barədə FHN-in Mətbuat xidməti məlumat yayıb.

Məlumatla əlaqədar dərhal FHN-in Dövlət Yanğından Mühafizə Xidmətinin Mingəçevir şəhər Yanğından Mühafizə Hissəsinin qüvvələri əraziyə cəlb olunub.

Yanğınla nəticələnməyən partlayış

Hadisə yerində əməliyyat şəraitinin qiymətləndirilməsi zamanı ümumi sahəsi 88kv.m. olan birmərtəbəli dördotaqlı fərdi yaşayış evində yanğınla nəticələnməyən partlayışın baş verdiyi müəyyən olunub.

Xəsarət alan olmayıb

Partlayış dalğasının təsirindən evə ziyan dəyib, xəsarət alan olmayıb.

FHN əməkdaşları tərəfindən ərazidə müvafiq təhlükəsizlik tədbirləri görülüb.

Hadisə ilə əlaqədar aidiyyəti qurumlar tərəfindən araşdırma aparılır.

Oxşar xəbərlər

Abşeronda yaşayış evində partlayış baş verib, 5 nəfər yaralanıb - VİDEO

Şəmkirdə evdə partlayış olub - VİDEO

8 Noyabr prospektində evdə partlayış olub, 1 nəfər xəsarət alıb - VİDEO

Bakıda fərdi yaşayış evində partlayış olub - FOTO - VİDEO

Bakıda evdə partlayış olub, 5 nəfər xəsarət alıb - VİDEO