Bərdədə traktorun qoşqusundan yıxılaraq xəsarət alan gənc xəstəxanada ölüb

Bərdədə traktorun qoşqusundan yıxılaraq xəsarət alan şəxs xəstəxanada dünyasını dəyişib.

"Sizinxeber.az"un Qarabağ Bürosunun verdiyi xəbərə görə, Bərdə rayon Yeni Daşkənd kənd sakini 2000-ci il təvəllüdlü Əlizadə Kənan Asif oğlu ot gətirməyə gedərkən traktorun qoşqusundan yıxılıb.

O, baş nahiyəsindən aldığı ağır xəsarətlə Bərdə Diaqnostika Mərkəzinə çatdırılıb.

Həkimlərin səylərinə baxmayaraq 25 yaşlı gənc altı gün sonra xəstəxanada ölüb.

Faktla bağlı araşdırma aparılır.