Tovuzda atasıgilə qonaq getmiş 42 yaşlı qadın dəm qazından boğularaq ölüb

Tovuzda dəm qazından zəhərlənmə olub.

APA-nın yerli bürosunun məlumatına görə, hadisə rayonun Xatınlı kəndində qeydə alınıb.

Belə ki, 1983-cü il təvəllüdlü K.Əmrahova yaşadığı evin vanna otağında dəm qazından zəhərlənərək ölüb. Hadisə yerinə hüquq-mühafizə orqanların əməkdaşları cəlb olunub.

İxtisasca həkim olan K.Əmrahovanın Bakıda yaşaydığı, rayona atasıgilə qonaq gəldiyi məlum olub.

Faktla bağlı Tovuz Rayon Prokrorluğunda araşdırma aparılır.