Dövlət Ekoloji Təhlükəsizlik Xidmətinin əməkdaşları tərəfindən son bir həftə ərzində keçirilən nəzarət tədbirləri zamanı Bakı, Sumqayıt şəhərləri və Ağcabədi rayonunun inzibati ərazisində yaşıllıqların qanunsuz kəsilməsi faktları aşkar olunub.

Bu barədə APA-ya Dövlət Ekoloji Təhlükəsizlik Xidmətindən məlumat verilib.

Bildirilib ki, araşdırma zamanı Bakı şəhəri Nəsimi rayonu, Hüseynbala Əliyev küçəsi 40 ünvanında, Sabunçu rayonu Bakıxanov qəsəbəsi, Bəşir Bünyadov küçəsi 125 ünvanında yerləşən “Status 2024” MMC-yə məxsus ərazidə, Nərimanov rayonu Faiq Yusifov küçəsi 43, 43A ünvanında yerləşən “Gold Məkan” MMC-yə məxsus ərazidə, Yasamal rayonu Akademik Şəfayət Mehdiyev küçəsi 257A ünvanında “Ultra Technologies” MMC-yə məxsus ərazidə, Sumqayıt şəhəri Hacı Zeynalabdin qəsəbəsi, S.Bəhlulzadə küçəsində, Xəzər rayonu Qala qəsəbəsində yerləşən “Ultimate Solutions” MMC-yə məxsus ərazidə və Ağcabədi rayonu Qaravəlli kəndi ərazisində ağacların kəsilməsi faktları ilə bağlı təbiətə 172 860 manat məbləğində ziyan dəydiyi müəyyən edilib.

Hər bir fakt üzrə yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış materiallar hüquq-mühafizə orqanlarına göndərilməsi üçün hazırlanır.

Oxşar xəbərlər

Yaşıllıqların qanunsuz kəsilməsi faktları aşkarlanıb, 381 min manat ziyan dəydiyi müəyyən edilib

Təbiətə 381 min manatlıq ziyan vurulması ilə bağlı materiallar hüquq-mühafizə orqanlarına göndəriləcək

Dörd rayonda qanunsuz ağackəsmə faktları ilə bağlı cinayət işləri başlanıb

Bakının 5 rayonunda ağacların kəsilməsi ilə bağlı cinayət işi başlanıb

Ölkə ərazisində qanunsuz yolla ağac kömürü istehsal edilən 43 kömür quyusu aşkar olunub