Xızıda prokurorun avtomobili qəzaya düşüb, xəsarət alanlar var - YENİLƏNİB-1

Xızı rayonu ərazisində baş verən yol-nəqliyyat hadisəsi səbəbilə bu gün saat 10:30 radələrində Sumqayıt Tibb Mərkəzinin nəzdində olan Təcili Tibbi Yardım Xəstəxanasına müxtəlif bədən xəsarətləri ilə hospitalizasiya olunan şəxslərə ilkin tibbi yardımlar göstərilib.

Bu barədə Sizinxeber.az-nın sorğusuna cavab olaraq TƏBİB-dən bildirilib.

Qeyd olunub ki, 2 nəfər daha ixtisaslı tibbi xidmət almaq üçün Bakıdakı tibb müəssisəsinə təxliyə olunub.

Xəsarət alanların hər birinin hazırda ətraflı diaqnostik müayinələri aparılır.

***

12:04

Xızı rayon prokurorunun yol qəzasına düşməsi faktı ilə bağlı araşdırma aparılır.

Sizinxeber.az xəbər verir ki, bu barədə Baş Prokurorluğun Mətbuat xidmətindən bildirilib.

Qeyd olunub ki, Xızı rayonu ərazisində “Niva” və “Toyota Camry” markalı avtomobillərin toqquşması nəticəsində yol-nəqliyyat hadisəsi baş verib.

Məlumata görə, hadisə nəticəsində hər iki avtomobilin sürücüsü, o cümlədən “Toyota Camry” markalı avtomobilin içərisində sərnişin qismində olmuş Xızı rayon prokuroru Xəyalə Aslanova müxtəlif dərəcəli bədən xərarəti alıb.

"Zərərçəkmiş şəxslərin vəziyyəti qənaətbəxşdir və hazırda xəstəxanada müalicələri davam etdirilir. Faktla bağlı Siyəzən rayon prokurorluğunda araşdırma aparılır", məlumatda deyilir.

***

11.45

Xızı rayonunda yol qəzası baş verib.

Sizinxeber.az-nın yerli bürosu xəbər ki, “Toyota” və “Niva” markalı avtomobillər toqquşub. Xəsarət alanların olduğu bildirilir.

Məlumata görə, qəzada xəsarət alanlardan biri Xızı rayon prokuroru Xəyala Aslanovadır.

Xəsarət alanlar xəstəxanaya yerləşdirilib, vəziyyətlətinin qənaətbəxş olduğu bildirilir.