BDYPİ hərəkət iştirakçılarına xəbərdarlıq edib.

DYP-dən Sizinxeber.az-ya verilən məlumata görə, qeyri-sabit hava şəraitinin yollarda xoşagəlməz hadisələrə səbəb olmaması üçün Baş Dövlət Yol Polisi İdarəsi bir daha sürücülərə müraciət edərək onları sürət həddini minimuma endirməyə, ara məsafəsini normadan artıq saxlamağa, nəqliyyat vasitələrinin texniki sazlığından əmin olmağa, xüsusilə şinləri qış mövsümünə uyğun olmayan avtomobillərdən mümkün qədər istifadə etməməyə çağırır.

“Dağlıq rayonlarda yolların buz bağlama ehtimalı yüksək olduğundan mövsümə uyğun təchiz edilməyən, texniki-təhlükəsizlik baxımından köhnə avtomobillərlə həmin bölgələrə səfərlərin təxirə salınması, təcrübəsiz sürücülərin buzlu yollarda avtomobil idarə etməkdən çəkinməsi tövsiyə olunur.

Əlverişsiz hava şəraitinin yarada biləcəyi çətinlikləri nəzərə alaraq, piyadaları da yollarda daha məsuliyyətli olmağa çağırırıq!”, - müraciətdə deyilir.

Oxşar xəbərlər

DYP mövcud hava şəraiti ilə bağlı hərəkət iştirakçılarına müraciət edib

DYP əlverişsiz hava ilə bağlı xəbərdarlıq edib

Yol polisi əlverişsiz hava şəraiti ilə bağlı müraciət edib

DYP əlverişsiz hava ilə bağlı sürücülərə müraciət edib

DYP hava şəraiti ilə bağlı sürücülərə xəbərdarlıq edib