Qayda pozuntusu törədərək sosial şəbəkədə paylaşan daha bir şəxs saxlanılıb.

APA xəbər verir ki, bu barədə DİN-in Baş Dövlət Yol Polisi İdarəsindən bildirilib.

Məlumata görə, idarə etdiyi "Land Rover Velar" markalı, 99-CN-222 qeydiyyat nişanlı avtomobillə yol hərəkət qaydasını pozaraq bunu sosial şəbəkə hesabında paylaşan Quluzadə Afət Əhməd qızı Baş DYP İdarəsinin əməkdaşları tərəfindən saxlanılıb. İzahatında törətdiyi əməldən peşman olduğunu və bir daha belə hallara yol verməyəcəyini bildirən A.Quluzadə barəsində inzibati protokol tərtib edilib.

"Baş Dövlət Yol Polisi İdarəsi bir daha bütün sürücülərdən bu kimi hallara yol verməmələrini tələb edir və xəbərdarlıq edir ki, belə hallara yol verən şəxslər aşkar edildikdə heç bir istisna olmadan barələrində ciddi tənbeh tədbirləri görüləcək", məlumatda deyilir.

Oxşar xəbərlər

"Land Rover"lə qayda pozuntusu törədib sosial şəbəkədə paylaşan qadın cəzalandırıldı - VİDEO

Blinken: "Putin amansız işğalçı müharibəsini davam etdirir"

DYP yollardakı sıxlıqla bağlı sürücülərə çağırış edib

Borrell: "Aİ ölkələri ABŞ-nin Qırmızı dənizdəki əməliyyatına qoşulacaq"

"Azəriqaz"ın ödəniş sistemlərinin fəaliyyəti müvəqqəti dayandırılır