Lerikdə torpaq sürüşməsi olub, bir ev üçün təhlükəli vəziyyət yaranıb

Lerikdə torpaq sürüşməsi baş verib.

Sizinxeber.az-nın cənub bürosunun verdiyi xəbərə görə rayonun Çayrud kənd sakini İnşallah Mirzəyevə məxsus həyət sahəsində FHN-nın əməkdaşları istinad divarı tikərkən iri torpaq layları qoparaq yaşayış evinin ətrafına doğru hərəkət edib. Hadisə zamanı evə ziyan dəyməsə də, nazirlik əməkdaşları burada yaşamağın təhlükəli olduğunu bildiriblər.

İnşallah Mirzəyevin sözlərinə görə, ərazidə görülməsi nəzərdə tutulan qabaqlayıcı tədbirlər artıq təxirə salınıb.

Evin isə hər an sürüşmə nəticəsində uçmaq təhlükəsi var.