Paytaxtın Yasamal rayonunda qəsdən adam öldürmə faktı ilə bağlı cinayət işi başlanıb.

Baş Prokurorluğun Mətbuat xidmətindən Sizinxeber.az-ya verilən xəbərə görə, avqustun 23-də paytaxtın Yasamal rayonu ərazisində 1988-ci il təvəllüdlü İradə Muradovanın ölməsi barədə rayon prokurorluğuna məlumat daxil olub.

İlkin araşdırmalarla 1977-ci il təvəllüdlü Emin Ağacanovun aralarında yaranmış mübahisə zamanı tanışı İradə Muradovanı qəsdən öldürməsinə əsaslı şübhələr müəyyən edilib.

Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Emin Ağacanov iş üzrə şübhəli şəxs qismində tutulub.

Hazırda istintaq davam edir.

***

11:02

Yasamalda qətl hadisəsi baş verib.

Sizinxeber.az-nın məlumatına görə, avqustun 23-də saat 09 radələrində paytaxtın Yasamal rayonu ərazisində 1980-ci il təvəllüdlü İradə Muradova münaqişə zəminində qətlə yetirilib.

Polis əməkdaşları tərəfindən keçirilən tədbirlərlə cinayət əməlini törətməkdə şübhəli bilinən 1977-ci il təvəllüdlü Emil Ağacanov müəyyən olunaraq saxlanılıb.

Faktla bağlı araşdırma aparılır.

Oxşar xəbərlər

Bakıda tanışını öldürməkdə şübhəli bilinən şəxs tutulub - YENİLƏNİB

Hövsanda 31 yaşlı kişi qətlə yetirilib - YENİLƏNİB

Maştağada qadın qətlə yetirilib, ögey oğlu saxlanılıb

Qaradağda qəsdən adam öldürməkdə şübhəli bilinən şəxs tutulub

Bakının Xəzər rayonunda baş vermiş qətllə bağlı cinayət işi başlanıb - YENİLƏNİB