Gəncədə baş verən ağır yol qəzasının bəzi təfərrüatları məlum olub.

APA-nın yerli bürosunun məlumatına görə, şəhərin 1-ci mikrorayonunda Vaqif küçəsində hərəkətdə olan "Toyota" markalı minik avtomobili idarəetməni itirərək yoldan çıxıb.

Nəticədə avtomobil yol kənarındakı işıq dirəyinə, mağazaya və hərəkətsiz vəziyyətdə dayanmış iki digər minik avtomobilinə – "Chevrolet" və "Mercedes-ə" çırpılıb. Zərbənin təsirindən "Toyota" yol kənarına aşıb.

Qəza zamanı Toyota-nın sürücüsü, Şirvan şəhər sakini, 1989-cu il təvəllüdlü Tural Qənbərov xəstəxanaya aparılarkən yolda ölüb.

Qeyd edək ki, həyatını itirən Tural Qənbərov III MDB Oyunlarının Gəncə üzrə meneceri olub.

Faktla bağlı araşdırma aparılır.

***
08:07

Gəncədə ağır yol qəzası baş verib.

APA-nın yerli bürosunun məlumatına görə, hadisə şəhərin 1-ci mikrorayon ərazisində qeydə alınıb.

Hərəkətdə olan "Chevrolet" markalı minik avtomobili ilə "Toyota" toqquşub.

Qəza nəticəsində bir nəfər - 1989-cu il təvəllüdlü Tural Qənbərov xəstəxanaya aparılarkən yolda dünyasını dəyişib.

Hadisə yerinə polis əməkdaşları cəlb olunub və faktla bağlı araşdırma aparılır.

Oxşar xəbərlər

Gəncədə iki minik avtomobili toqquşub, ölən var - FOTO

Gəncədə iki minik avtomobili toqquşub, ölən var

Gəncədə zəncirvari qəza olub - FOTO

Bakıda ağır zəncirvari qəza baş verib, körpüdə hərəkət dayandırılıb - FOTO

Gəncədə minik avtomobili işıq dirəyinə çırpılıb, 23 yaşlı gənc xəsarət alıb