Masallıda narkotik vasitənin təsiri altında sərnişindaşıma fəaliyyəti ilə məşğul olan şəxs həbs edilib.

"Report" xəbər verir ki, bu barədə Daxili İşlər Nazirliyinin (DİN) Mətbuat Xidmətinin Lənkəran regional qrupu məlumat yayıb.

Bildirilib ki, Masallı rayon sakini Qadir Kərimov sürücülük hüququ olmadan idarə etdiyi "Mercedes" markalı mikroavtobusla sərnişindaşıma fəaliyyəti göstərdiyi üçün saxlanılıb.

Yoxlama zamanı sürücünün hərəkətləri şübhə doğurduğu üçün müvafiq tibbi müayinədən keçirilməsi təmin edilib və onun narkotik vasitə qəbul etdiyi müəyyən edilib.

Q.Kərimov barəsində protokol tərtib edilərək baxılması üçün rayon məhkəməsinə göndərilib.

Məhkəmənin qərarı ilə həmin şəxs 1 ay müddətinə inzibati qaydada həbs edilib.

Oxşar xəbərlər

Narkotikin təsiri altında avtomobil idarə edən şəxs həbs edilib

Avtomobili narkotik vasitənin təsiri altında idarə edən Astara sakini həbs olunub

Beyləqanda narkotik vasitənin təsiri altında olan taksi sürücüsü həbs edilib

Beyləqanda narkotikin təsiri altında avtomobil idarə edən şəxs həbs edilib

Bakıda narkotik vasitənin təsiri altında  avtoxuliqanlıq edən sürücü həbs edilib