Qanunsuz sərnişindaşıma ilə məşğul olan sürücü inzibati qaydada həbs edilib.

Bu barədə Sizinxeber.az-ya BDYPİ-dən məlumat verilib.

Bildirilib ki, Baş Dövlət Yol Polisi İdarəsinin əməkdaşları tərəfindən keçirilən tədbirlər zamanı qanunsuz sərnişindaşıma fəaliyyəti ilə məşğul olaraq həm özünün, həm də daşıdığı sərnişinlərin həyatını ciddi risk altına atan sürücü Ekoloji nəzarət postunda saxlanılıb:

"Sürücü Həsənov Əlifağa Aqil oğlu ilə aparılmış profilaktik söhbətdən sonra barəsində müvafiq sənədləşmə aparılaraq toplanmış materiallar baxılması üçün məhkəməyə göndərilib. Məhkəmənin qərarı ilə o, 20 gün müddətinə inzibati qaydada həbs edilib".

"Baş Dövlət Yol Polisi İdarəsi bir daha sürücülərə xatırladır ki, sərnişindaşıma fəaliyyəti yalnız qanunvericiliyin tələblərinə uyğun şəkildə təşkil olunmalı və bu fəaliyyət zamanı sərnişinlərin təhlükəsizliyi tam təmin edilməlidir", - deyə məlumatda qeyd olunub.

Oxşar xəbərlər

Avtobusu sərxoş halda idarə edən şəxs həbs edilib

Sərxoş vəziyyətdə avtobus idarə edən sürücü 15 sutka həbs edilib

Sərxoş vəziyyətdə avtobus idarə edən sürücü 15 sutka həbs edilib - VİDEO

Motosikletlə avtoxuliqanlıq edən sürücü həbs edilib

Bərdədə narkotikin təsiri altında mikroavtobus sürən şəxs həbs edilib