Xocavənd rayonunun Çörəkli və Yemişcanlı kəndləri istiqamətində mürəkkəb relyefli dağlıq ərazidə baş vermiş yanğınlar Fövqəladə Hallar Nazirliyinin qüvvələri tərəfindən havanın isti və küləkli olmasına baxmayaraq ətraf ərazilərə yayılmasına imkan verilmədən məhdudlaşdırılıb.

Sizinxeber.az xəbər verir ki, bu barədə FHN-in Mətbuat xidmətinin məlumatında deyilir.

Hazırda yanğınların tam söndürülməsi istiqamətində əməliyyat davam edir.

Bundan əlavə, Ağdərə rayonunun Ortakənd və Suqovuşan kəndləri istiqamətində, həmçinin Zəngilan şəhəri ərazisində açıq sahələrdə baş vermiş yanğınlarla mübarizə tədbirləri fasiləsiz olaraq davam etdirilir.

Qeyd edilib ki, yanğınların söndürülməsi əməliyyatında FHN-in Dövlət Yanğından Mühafizə Xidmətinin qüvvələri və Aviasiya dəstəsinin helikopterləri iştirak edir.

Əlavə məlumat veriləcək.

Oxşar xəbərlər

FHN: Ağdam, Xocalı, Xocavənd, Füzuli və Ağdərədə yanğınların söndürülməsi davam etdirilir - VİDEO

Ağdam və Füzulidə dağlıq ərazidə baş vermiş yanğınlar tam söndürülüb

Şəkidə dağlıq ərazidə yanğın olub - VİDEO

FHN: Ağdam və Ağdərədə açıq ərazidə yanğın nəzarətə götürülüb

Ağdərədə yanğının söndürülməsinə 620 nəfər şəxsi heyət, 51 texnika, 4 helikopter cəlb olunub - VİDEO