Qusar sakini qaynını və onun həyat yoldaşını baltalayıb, biri ölüb, digəri xəsarət alıb

Qusar rayonunda bir nəfərin ölümü, bir nəfərin isə xəsarət alması ilə nəticələnən insident olub.

"Sizinxeber.az"un Şimal bürosunun məlumatına görə, 67 yaşlı Qusar rayon sakini Vəkil Saday oğlu Əlibəyov qaynı, 57 yaşlı Şirin Şəmsəddin oğlu Ömərova və onun həyat yoldaşı, 49 yaşlı Şəlalə Ömərovanı baltalayıb.

Nəticədə Ş.Ömərov ölüb, Ş.Ömərova isə xəsarət alıb.

Cinayət əməlini törətməkdə şübhəli bilinən V.Əlibəyov saxlanılıb.

Faktla bağlı araşdırma aparılır.