Bakıda itkin düşən uşaq polis tərəfindən tapılaraq valideynlərinə təhvil verilib - YENİLƏNİB

Bakıda polis əməkdaşları tərəfindən tapılan 7 yaşlı Yusif Abbasovun valideynləri müəyyənləşdirilib və azyaşlı onlara təhvil verilib

“Sizinxeber.az”un məlumatına görə, bu barədə Daxili İşlər Nazirliyinin bölmə rəisi Nurlan Əliyev bildirib.

Qeyd edək ki, azyaşlı Nəsimi rayonunda tapılmışdı və polisin nəzarəti altına alınmışdı.

Bakıda evi tərk edən uşaq polis əməkdaşları tərəfindən tapılıb.

“Sizinxeber.az”un məlumatına görə, bu barədə Daxili İşlər Nazirliyinin bölmə rəisi Nurlan Əliyev bildirib.

“Nəsimi rayonu ərazisində polis əməkdaşları tərəfindən valideynindən xəbərsiz yaşadığı ünvandan çıxan uşaq tapılıb. 7 yaşlı Abbasov Yusif Nurxan oğlu dediyinə görə Sabunçu rayonunda yaşayır. Hazırda uşaq polis nəzarətindədir”, - N.Əliyev bildirib.