Azərbaycan vətəndaşı Rusiyada yol qəzasında ölüb

Azərbaycan vətəndaşı Rusiyada yol qəzasında ölüb.

APA-nın yerli bürosu xəbər verir ki, 1967-ci il təvəllüdlü Araz Abbasəli oğlu Tagıyevi avtomobil vurub.

Hadisə zamanı ağır xəsarətlər alan Araz Tağıyev bir neçə gün xəstəxanada komatoz vəziyyətdə qalsa da, ötən gün ölüb.

Qeyd edək ki, Araz Tağıyev işləmək məqsədi ilə 4 ay əvvəl Rusiyanın Novosibirsk vilayətinə gedib.

Mərhumun cənazəsi bu gün ölkəyə gətiriləcək, o, doğulduğu Ucar rayonunun Lək kəndindəki qəbiristanlıqda dəfn olunacaq.