Sabunçu rayonunda nəqliyyat vasitəsini qəsdən yandıran şəxslər saxlanılıblar.

Bu barədə "Report"a Daxili İşlər Nazirliyindən bildirilib.

Qeyd olunub ki, iyulun 27-də Sabunçu rayonu ərazisində paytaxt sakininə məxsus "VAZ-2109" markalı avtomobilin yanması barədə polisə məlumat daxil olub.

Sabunçu Rayon Polis İdarəsinin əməkdaşlarının keçirdikləri tədbirlərlə avtomobilin qəsdən yandırılması müəyyən olunub. Həmin əməli törətməkdə şübhəli bilinən Məmməd Cabarov və əvvəllər narkotiklə əlaqəli cinayətə görə məhkum olunmuş Ruslan Xəmmədov saxlanılıblar.

Onlar ifadələrində nəqliyyat vasitəsini qaçırmaq istədiklərini, lakin niyyətlərinin baş tutmadığını görüb, avtomobili qəsdən yandırdıqlarını bildiriblər.

Faktla bağlı araşdırma aparılır.

Oxşar xəbərlər

Sabunçuda avtomobili qəsdən yandıran şəxslər saxlanılıblar - VİDEO

Sabunçuda kəsici alətlə evə hücum edən şəxs saxlanılıb

Sabunçuda naməlum şəxs kompleksin gözətçisini hədələyib, 10 min manatlıq oğurluq edib

Sabunçuda evlərdən oğurluq etməkdə şübhəli bilinən şəxslər saxlanılıb

Bakıda 50 min manat dəyərində naqil oğurlanıb